Patay ang isang sesentay singko anyos na magsasaka matapos itong pagtatagain ng may ari ng nadaanan nitong ibinibilad na bagong aning palay sa Alaminos City.
Ang biktima ay nakilalang si Sevillano Purganan habang ang suspek ay nakilalang si Lolando Tugade Purganan mga residente ng Brgy. Amangbangan sa nasabing Lungsod.
Lumalabas sa imbestigasyon na nagkainitan ang dalawa matapos madaanan ng tricycle na minamaneho ng biktima ang ibinibilad na bagong aning palay ng suspect.
Dito na nagkainitan ang dalawa at kalaunan ay naghiwalay din.
Kinahapunan bigla na lang hinarang ng suspek na armado ng itak ang biktima at dito na ito pinagtataga sa iba’t ibang bahagi ng katawan.
Isinugod pa sa pagamutan ang biktima subalit idineklarang Dead on Arrival habang naaresto naman ng mga rumespondeng pulis ang suspek matapos ang insidente. |ifmnews
Facebook Comments
