Sa interbyu sa DXDC RMN Davao kang Police Staff Sergeant Alvin Arilla, personahe sa San Isidro Municipal Police Station (MPS), giila niini ang mga dinakpan nga mao sila Marwin Arbasto, 28 anyos, ulitawo ug Florante Hampak, 38 anyos, pulos mananagat ug residente sa Purok Waling-waling, Barangay Batobato, San Isidro, Davao Oriental.
Ang mga nahisgutan nagsakay sa usa ka motorized fishing banca ug naaktohan nga nangisda gamit ang air compressor sa kadagatan sa Barangay Batobato.
Nakuha sa posisyon sa mga dinakpan ang fishing paraphernalia lakip na ang ilang nakuha nga mga isda kantidad P20,000.
Anaa na ang kaso sa Municipal Fishery Law Enforcement Office, samtang nagpahimangno ang awtoridad sa publiko nga likayan ang maong iligal nga aktibidad.
“Mao na’ng ginabantayan diri sa atoang marine protected area diri sa kuan (San Isidro). Kana lang among gina-(remind) sa ilaha permanente nga kung mahimo, undangon na na’ng iligal nga pamaagi sa pagpanagat,” pahimango sa pulis.
RadyoMaN Kirby Manzon
