Siayan ZN – Parehong patay ang magsilingan dihang nagdinunggabay pasado alas 3:00 sa miaging hapon, may Sitio Sapa Bagol, Barangay Pange, lungsod sa Siayan, Zamboanga del Norte.
Giila ang mga biktima nga mao sila Ramel Saguino Galopas, 55 anyos, minyo, ug Jemboy Lubama Anting, 26 anyos, minyo, polos mag-uuma, magsilingan sa susamang Barangay.
Sa nahipos nga report sa kapolisan nasayran nga sa wala pa ang insidente ang duruha nag-inom pa og bino hangtud nangahubog nga nisangpot sa ilang panaglalis.
Ang duruha giingong tagsa og hinagiban, kinsa nagdinunggabay.
Si Barangay Kagawad Manuel G. Ebol uban sa iyang mga Tanod daling nisubay sa maong insidente og ilang na-abtan ang mga biktima nagkadugo, parehong naka-angkon sa mga samad sa ilang kalawasan og polos wa nay mga kinabuhi.
Ang pamilya sa mga biktima nakahukom nga ilubong na kini sumala sa ilang tradisyon.
