General Santos City- Inay sa simbahan alang sa misa de gallo, sa balay tambalanan naman hinoon gidala ang usa ka 16 anyos nga batan-on human nga kini nakaangkon og samad tinigbasan sa mga nagkadaiyang lawas.
Naila ang biktima nga usa ka Nathaniel Cabales, 16 anyos og residente sa may Purok San Miguel Barangay Calumpang ning syudad sa Gensan.
Sumala pa nga bandang- ala- 1: 20 sa kaadlawon, igo lang nagbaktas ang biktima padulong sa simbahan aron nga motambong matud pa sa sayong misa de gallo, apan paghidangat sa may New Bohol Barangay Calumpang, kalit na lamang adunay naka-motorsiklong lalaki ang mitigbas kaniya.
Igo sa leog ang bahin ang biktima, og maayo nalang gani naluwas pa sa kamatayon.
Nagpadayon karong nagpaalim sa iyahang samad tinigbasan sa may Dr. Jorge P. Royeca Hospital ang nasampit nga biktima. ( RadyoMan Alfie Mones)
