Magsuon nag away sa mahalong perfume

171

Davao City – Nagkadugo nga mipatim-aw Sta Ana Pnp ang usa ka dalaga human nga gidumog ug gidagmalan sa iyang igsuon ug gituohan nga gidunggab tumong sa ulo.

Base sa report gikan Sta Ana Pnp ang biktima naila nga si Kristine Danao, 28 anyos residente sa Barangay 23-C siyudad sa Davao samtang ang suspek nga iyang igsuon mao si Arleen Danao, 32 anyos nga nagpuyo usab sa nahisgutang Barangay.

Matud pa samtang ang biktima didto sa ilang panimalay kalit niabot ang suspek kauban ang iyang anak diin matod pa gisyagitan kini sa iyang pag umangkon nga nangawat og mahalon nga perfume si Kristine.

Subay niini, kalit giduol sa suspek ang iyang igsuon dayon gidumog kini ug sa dihang namatikdan na sa paryente nga nagkadugo na ang ulo ug nawong sa biktima daling naulang ang ilang away.

Daling gidispatsahan sa kapolisan aron dakpon ang suspek apan pag-abot sa maong lugar abtik nga nakasibat ang suspitsado.

Di madawat sa biktima ang gihimo nga pagdagmal kaniya ug pursigido nga mapasaka ug kaso batok sa iyang igsuon.

RadyoMaN Don Pulayao

Facebook Comments