Sa interview sa DXDC RMN Davao kang Police Corporal Sunder Orjaliza, imbestigador sa Mati City Police Station, iyang giila ang biktima nga mao si Jose Tuplano, 46 anyos, usa ka negosyante og ukay-ukay nga taga Panabo City, diin kini nagpatabang sa kapulisan alas 6:00 sa gabii.
Saysay sa biktima, adunay duha ka kadudahang tawo sakay sa ilang mga motor nga mihunong sa iyang tindahan sa dihang padulong na kini manirado, diin ang usa misulay pagkanaog apan nanibat ang nahisgutan sa dihang siya nakabantay, apan siya gisundan gihapon rason nga iyaha kining gi-report sa kapulisan.
“Gisundan siya (pero) nakabantay siya. Pauli na unta siya, pabiyahe na pa-Maragusan unya kay gisundan man siya, mao ‘to nibalik sya sa sentro sa Mati,” matud sa imbestigador.
Gilayon usab nga naghimo og dragnet operation ang kapulisan hinungdan nga nadakpan ang suspek nga si Albert Notarte, 33 anyos, taga Nabunturan, Davao de Oro, samtang patay sa operasyon ang igsoon niining si Junie Notarte alas 10:00 sa buntag niadtong Sabado, December 2, 2023, diin ang duha ka suspek nakuhaan og revolver nga posibleng ginagamit sa ilang iligal nga aktibidad ug ilang motorsiklo.
Padayong gialerto sa Mati City Police Station ang publiko nga mahimong alerto sa kanunay ug makig-alayon sa otoridad aron mabatukan ang unsa mang matang sa kriminalidad.
RadyoMaN Kirby Manzon
