Pagadian City – Anaa na karon sa kustodiya sa British embassy sa nasod ang magti-ayon nga narescue gikan sa mga kamot sa Abu Sayaff Group sa probinsya sa Sulu.
Alas 9:30 kagabii nidangat ang negosyanteng Briton nga si Allan Hyron ug asawa niining Pinay nga si Wilma.
Ang mati-ayon nahuptan sa mga Abu Sayyaf sa halos duha ka bulan.
Gibutyag ni Western Mindanao Command chief Lt. General Cirilito Sobejana, nga maoy nihatod sa magti-yaon nga gisugat matud pa sila sa British Ambassador to the Philippines nga si Daniel Pruce dihang nitugpa ang ilang gisakyan nga eroplano sa Villamor Air base sa Taguig.
Narescue sa mga militar ang mag-tiayon sa Parang, Sulu kagahapon, 53 ka adlaw human ang pagdagit niini sa ilaha mismong Beach sa Brgy. Alindahaw, Tukuran, Zamboanga del Sur.
Subling gisulti sa militar nga walay gibayad nga ransom alang sa kagawasan sa mga biktima.
