Magti-ayong kumander sa NPA sa Bukidon, nitahan

Nitahan sa gobyerno ang magti-ayong commander sa New Peoples Army (NPA) Guerilla Front 6 nga naglihok sa Southern Bukidnon.

Naila ang mga rebel surenderees nga si Renante Tumbalang alyas “Jigger” ug alyas “War” nga nagsilbing commanding offier o Commander sa NPA Guerilla Front 6.

Apil sa nitahan ang asawa niining si Reslyn Pardo alyas “Jamby” nga mao ang Secretary sa CPP-NPA GF 6 o nailang “Bukidnon Command”.


Kini naglihok sa Southern Bukidnon nga mao ang Valencia City, San Fernando, Kitaotao, Maramag, Don Carlos, Dangcagan ug Quezon.

Gawas niini, aduna pay lima ka mga kauban niini ang nisurender nga sila si Shairyl Pardo alyas MG nga Squad leader sa Platoon Group, SDG sa GF 6; Roger Gonzales alyas Narra, team leader sa usa ka Platoon; Angelito Tundag alyas Grob, vice commanding officer sa SYP5, GF6; Regine Pardo alyas Raya, Platoon Leader sa SYP5, GF6 ug usa ka Mark Jayzone Pardo alyas Rassk, platoon officer sa SDG sa GF6.

Gihimo ang pormal nga pag-turn over kagahapong adlawa sa Valencia City nga gitambungan nila ni 4th Infantry Division Commander MGEN. Franco Gacal, 403 rd Infantry Brigade Commander BGEn. Edgardo de Leon, Valencia City Mayor Azucena Huervas, 4th District Congressman Oniel Roque pinaagi ni City Councilor Atty. Ted Pepito.

Matud ni Ryselyn Pardo alyas Jambie nga nitahan sila tungod sa kawad-on na sa suporta gikan sa katawhan o masa nga gi-ingong ilang gi-alagaran.

Gisegundahan usab ang maong pamahayag sa bana niniing si Renante Tumbalang sa pag-ingon nga nawala ang pagsuporta sa masa ngadto kanila maong wala sila nagduha-duha nga mutahan.

Gusto matud pa nilang manginabuhing malinawon kauban ang ilang pamilya.

Wala usab daw silay na-ani sa kalihukan.

Facebook Comments