KORONADAL CITY – Mukabat sa P125,200 nga kantidad sa iligal nga droga partikular na ang shabu ang narekober gikan sa magtiayong sa gihimong buybust operation sa Koronadal City niadtong nakalabayng adlaw.
Nasayran nga mukabat sa 15 ka gramo sa droga ang nakumpiska sa posisyon nilang ni Randy ug Rema Alon residenti sa Barangay Morales, Koronadal.
Una nang namonitor sa kapulisan ang lihok sa mga nasangpit ug dihang sila nakakita ug higayon sila nagpahigayon ug operasyon. Nasayran nga bag-uhay palang gyud nga gikan sa Maguindanao ang magtiayon dihang gihimo ang operasyon mao nga daghang droga ang nakumpiska sa kapulisan.
Depensa usab sa magtiayon nga dili ilaha ang mga droga sanglit sila gisugo lamang nga dad-on kini sa syudad sa koronadal.
Kasong kalapasan sa RA 9165 ang gipasang-at nga kaso batok sa suspetsado.
