Dinas, Zamboanga del Sur – Patay ang asawa samtang samaran ang bana human kining gipusil sulod mismo sa ilang pinuy-anan alas 11:30 kagabii sa Purok 3, Brgy. Guinicolalay, Dinas, Zamboanga Del Sur.
Giila ang namatay nga biktimang si Bebe Punday, 63-anyos, mag-uugma, residente sa nahisgutan nga lugar.
Gipusil ang biktima sa makaduhang higayon sa wala mailang mga suspetsado gamit ang 45 nga pistola base sa mga basiyo sa bala nga nahipos sa dapit nahitabuan.
Sa inisyal nga imbetigasyon nasayran nga samtang nahinanok ang magti-ayong Punday kalit nga natuktok ang mga suspek apan dihang ilang giablihan ang pulthan sumbuhan sa armas ang nisugat sa panan-aw sa biktima.
Dead on the spot ang asawa samtang naigo usab si ang bana nga si Jose Punday , 61-anyos, diin nakahimo pagihapon kini pagsibat paingon sa balay sa silingan og nangayo sa tabang
Ang balay sa biktima nahimutang sa layong lugar ug walay signal rason nga walay nakabantay sa mga buto sa armas.
Si Jose, ang bana daling gidala sa Margosatubig Regional Hospital ang sa pagpa-alim sa samad pinusilan samtang naglusad na usab og hot pursuit operation ang kapulisan alang sa posibleng pagsikop sa mga suspek.
Gisuta pa sa kapulisan ang motibo sa maong pagpamusil.
