Pagadian City, Zamboanga del Sur — Personal nga bangi ang angolo nga gitun-an karun sa kapulisan sa syudad sa pagadian labot sa bag-uhay palang nga insedente sa pagpamusil sa syudad kagabii alas 6;45 ang takna sa Zone-1, Brgy. Muricay ning dakbayan.
Daling gidala sa balay ang biktima nga nailhang si Romulo Dela Cruz Palma,57 anyos, city coordinator, lumulupyo Purok Iranon sa naasoy nga barangay.
Sa inisyal nga imbestigasyon nasayran nga pauli na ang biktima sakay sa color pula nga single motor apan kalit nga gisugat sa suspek nga si Bao-Bao Hamsa og sa walay igong rason gipusil ang biktima sa makadaghan nga higayon.
Ang elemento sa 53rd Infantry Battalion ang unang misresponde sa dapit nahitabuan og maoy mihatod sa biktima ngadto sa ospital.
Nasayran usab nga kauban sa biktima niadtong higayona ang iyang misis nga si Vigilla Palma apan maayo nalang nga wala mapagan.
Nakuha sa crime scene ang usa ka buhing bala ug tulo ka basiyo sa bala sa caliber 45 nga pistola. Gilusad na ang hot pursuit operations alang sa posible nga pagsikop sa suspek nga niikyas.
Tags; Mel Coronel, RMN DXPR Pagadian 603, Kenneth Bustamante
