Pagadian City, Zamboanga del Sur————–Gipangdala sa balay tambalanan ang magtiayon human silang gipamusil sa tulo ka mga suspetsado sa Purok 3, Barangay Nian, Lungsod sa Dinas, Zamboanga del sur.
Ang mga biktima nailhan nga silang Nestor Galleros, 57 anyos, usa ka mag-uuma u gang iyang asawa nga giilang si Noemi, 53 anyos pulos molupyo sa nasangpit nga lugar samtang ang mga suspetsado nailhan nga silang Eugene Galleros, 20 anyos, Julius Zamora, 30 anyos ug usa ka Elias Doong, 31 anyos molupyo gihapon sa maong lugar.
Subay sa nahimong imbestigasyon sa kapulisan sa Lungsod sa Dinas, pauli na ang magtiayon gikan sa ilang farm sa dihang sila gipamusil sa mga suspetsado diin si Nestor nakaangkon og samad sa iyang ulo nga bahin samtang si Noemi nakaangkon og tapsing nga samad sa kalawasan ug anaa na karon giatiman sa mga mananambal sulod sa Chavez Medical Center.
Sa kasamtangan padayon pa ang kapulisan sa pagpangita sa tulo ka mga suspetsado human nga dali sab silang nanibat sa wala hisayring lugar ug aron sab masayran ang motibo sa pagpamusil sa magtiayon. (Mel Coronel/dxpr News Team
