Magtiayon nadasmagan, bana patay

110

Davao City – Patay ang usa ka bana samtang nagpabilin pa sulod sa Southern Philippines Medical Center (SPMC) ang asawa human sila madasmagan og sakyanan sa may may Sasa ning syudad alas 9:00 kagabie.

Wala na madala pa sa SPMC si Ruel Baje, 37 anyos, liaison officer, samtang padayong gi-atiman ang asawa niini nga si Leah Baje, pulos nanimuyo sa Landmark 3,Empress, Panacan ning siyudad.

Baguhay lang nahuman sa panihapon ang mag-asawa gikan sa usa ka establisemento ug mupa-uli na unta sila sakay sa ilang motor dihang kalit silang gibanggaan sa naghaguros nga sakyanan.

Imbes hunungan sa wala mailhing driver ang mga biktima nagpaturatoy kini og padagan sa iyang sakyanan palayo sa maong insidente.

Susihon sa kapulisan sa Sasa kun aduna bay nakamuntar nga CCTV camera sa maong dapit kung asa natigayon ang disgrasya sa pamasin nga makuha ang plate number sa sakyanan ug mailhan ang driver niini.

Kasong reckless imprudence resulting to homicide ug physical injury ang gi-andam nga kaso batok sa diver nga padayon pang at-large karong panahona.

RadyoMaN Joel Viray

Facebook Comments