Dipolog City – Pangus ug samad ang nahiagoman sa magtiayon nagmotorsiklo human nila nadasmagan ang nilabang nga baka diha sa National Highway Barangay Cogon dakbyan sa Dipolog partikular atbang sa La Perla Subdivision sa niaging adlaw pasado alas 5:10 sa kahaponon.
Subay sa nahipos nga report sa Traffic Section sa Dipolog City Police Station naila ang magtiayon nga sila Jerry Dinopol 45 anyos, Francisca Dinopolo 41 anyos, polos lumulupyo sa Barangay Labrador lungsod sa Polanco.
Migawas sa imbistigasyon sa niresponding Traffic Officer nga ang magtiayon sakay kini sa ilang motorsiklo sym bunos x, latas ang maong highway paigon na pauli apan pagabot sa dapit kalit lang nitabok ang binuhiang baka nga iya ni Rico Canoy hinongdan sa disgrasya.
Ang magtiayon nakaangkon pangus og pipila ka mga samad sa nagkalain-laing parte sa ilang lawas ug daling gidala sa Zamboanga del Norte Medical Center aron katambalan.
Sa kasamtangang ang insedente nisangpot sa pag-atubangay ug matag habig nakasabot sa inamigo’ng pagareglo.
