Magtiayon nakoryentihan atol sa bilar sa patay, usa ang patay

Patay ang usa ka bana human nakoryentihan silang duha sa iyang asawa atol sa pagtambong niini ug bilar sa haya sa ilang iyaan .
Nahitabo ang insidente sa Barangay Poblacion sa lungsod sa Aloguinsan .
Ang namatay nga bana nailhan nga si Reneboy Biton , 33 anyos samtang napaso usab ang asawa nga si Reynali Ayuda-Biton , 29 anyos .
Ang asawa nag-ayo sa kurtina sa haya nga natangtang human nakuptan sa ilang dos anyos nga anak .
Apan samtang nag-ayo sa kurtina , posibling nakahikap ug koryente si Reynali ug unang nakoryentihan .
Gidali siya pagtabang sa iyang bana nga si Reneboy , apan apil na hinoon kini sa nakoryentihan ug maoy nagrabehan hinungdan sa iyang kamatayon.