Patay ang usa ka 70 anyos nga bana , samtang samdan ang iyang 75 anyos nga asawa human sila gitigbas ug gipamusil sa ilang pinuy-anan didto sa Sitio Sacsac Barangay Uwak lungsod sa Asturias .
Ang mga biktima mao sila si Emeliano Bantoy ug ang asawa niini nga si Juanita , 75 anyos .
Matud ni PO3 Victor Calimpong sa Asturias Police Station, duha ka mga lalaki ang niabot sa panimay sa magtiayon ug nihangyo ngadto ni Emeliano nga mouban kanila kay adunay patambalan nga usa ka samara sa bukirang bahin sa lungsod sa Balamban .
Si Emeliano nga nailhan sa iyang pagkamananambal , nibalibad sa hangyo sa usa sa duha ka suspek , tungod kay nihunong na man usab siya sa pagpanambal .
Human sila balibari ni Emeliano nilakaw ang duha ka mga lalaki , apan pagtaud-taud nibalik kini sa panimay sa mga biktima ug sila gipusil ug gitigbas .
Nagtoo ang kapolisan nga nasuko ang mga suspek sa pagbalibad ni Emeliano nga mouban kanila .
