Davao City – “Kung saka na promote ug nagkahinay-hinay nata, nawala na ang tanan.” Kini ang post sa anak nga daw dili katuo nga sulod sa lamang sa pila ka oras, nawala na ang iyahang inahan ug amahan human nadisgrasya sa Pantukan, Davao de Oro pasado alas 11:00 sa gabii, July 27, 2024.
Ang biktimang magtiayon nailang sila Joel ug Sharon Castilla nga taga Pantukan diin giingong nabiktima sa hit and run. Sa report, dead on the spot ang amahan samtang namatay sa ospital ang inahan.
Sa post sa anak nga si Shela Lee Castilla, emosyunal kini sa dihang nahibal-an nalang niya ang nahitabo sa iyahang ginikanan nga giingon niining hinimoan sa iresponsableng tawo.
Samtang sa interview sa DXDC RMN Davao sa Pantukan Municipal Police Station (MPS), gikumpirma nga mi-surrender na ang driver sa sakyanan nga nakabangga nga mao si Niño Cañazares, 22 anyos.
Posibleng mag-atubang ang suspect og kaso kalabot sa Reckless Imprudence Resulting to Multiple Homicide nga anaa na karon sa kustodiya sa kapulisan.
RadyoMaN Kirby Manzon
Facebook Comments
