Sa pakighinabi sa DXDC RMN Davao kang Romeo Tublag Jr., ang Municipal Information Officer sa Maragusan, giila ang mga biktima nga mao sila Lucita Emejio, 58 anyos, Jesus Emejio, 59 anyos ug ang apo nga nailang si Benjie, 7 anyos.
Sa pagpanubay sa otoridad, nahitabo ang landslide alas 3 sa kadlawon gahapon, January 2, 2023 apan buntag na nakita nga natam-okan niini ang panimalay sa mga biktima.
Butyag ni Tublag nga patay nang napalgan ang magtiayon ug ang bata gisuwayan pa og luwas tungod aduna pa kini pulso apan pag-abot sa balay tambalanan, gideklara na kining dead on arrival.
Facebook pa sa ilahang pamilya ug kabanay nga bati matud pa ang sugat sa bag-ong tuig kanila tungod sa paghitabong wala nila gilaoman.
Giklaro sab sa opisyal nga maagian na karon ang dalan sa Maragusan paingon sa Tagum City human sa pagbaha ug pagdahili sa yuta.
RadyoMaN Ivy Parido
