Davao City – Nakaamgo si Alyas Alem, 21 anyos taga-Malabon City, kinsa nagsilbing political guide sa PBC 4 nga galihok sa Davao del Norte ug Compostela Valley Province sa mga nausik niini nga panahon sa pag-apil sa New People’s Army kun NPA.
Atol sa press conference sulod headquarters sa Eastern Mindanao Command, gibutyag ni alyas Alem nga uban sa iyahang kapuyo nga si alyas Jinggoy, 22 anyos kanhi Commander usab sa PBC 4 niikyas sila, nagtago, hangtod sa nakatyempo aron mubalik sa sabakan sa gobyerno sa 71st Infantry Batallion sa Bislig City, Surigao del Sur.
Gibutyag ni alyas Alem nga tulo katuig siyang nahimong aktibista ug namuno sa mga lihok protesta sa League of Filipino Students hangtod sa niuban kini sa Manilakbayan protest sa pagpauli sa mga lumad sa Haran.
Kanhi estudyante si alyas Alem sa Politechnic University of the Philippines (PUP), Sta Mesa, Metro Manila kinsa 3rd year na unta kini sa kursong BS Architecture.
Kini usab maoy organizer sa Anakbayan sa Caloocan City ug Pandi, Bulacan, Samahan ng Kabataang Demokratiko sa Asyenda Luisita (SAKDAL) sa Hacienda Luisita, Tarlac City.
Alang ni Alem nga hagbay na silang buot mukalas sa kalihukan ug tungod sa ilahang anak nadasig kining muikyas sa grupo nila sa NPA.
Nibilin kini og pagtulun-an ilabina sa mga kabataang nisulod sa LFS ug uban pang mga organisasyon nga dili armas ang solusyon sa problema sa nasud kay alang niini sayon ang pagentra apan dili lisod na mutiwalag.
Samtang, nagdaiyang napakyas nga saad usab sa NPA ng gibutyag sa laing pito ka mga surrenderees.
Gi-recruit matud pa sila nga muuban sa kalihukan bugti sa sweldo ug uban pang tabang.
Dala usab sa mga kanhi NPA atol sa ilahang pagsurrender ang mga high powered firearms.
Ipailawon sa DSWD ug DILG ang mga surrenderees ubos sa (Enhanced-Comprehensive Local Evaluation Program) ECLIP sa gobyerno ug uban pang mga livelihood trainings.
Adunay educational assistance alang kang ‘Ka Alem ug sa iyahang anak nga giandam.
Gipasalig usab ni Lt. Gen. Felimon T. Santos Jr., Commander of Eastern Mindanao Command nga proteksyunan sa kasundaluhan ang maong mga nitahan nga mga rebelde.
Matud ni Santos, 375 ka mga housing units kun “Biyaya ng Pagbabago”Freedom Residences ang gitukod sa National Housing Authority (NHA) para sa mga kanhi NPAs nga nahimutang sa Barangay Cuambogan, Tagum City, Davao del Norte.
RadyoMaN Aimee Guinita
