Magtiayong NPA ug mga anak subling nagkita

48

Davao City – Naka uban na sa duha ka magtiayon nga kanhi sakop sa teroristang npa ang ilang upat ka mga anak nga ilang nabiyaan sulod sa pito katuig tungod sa ilang pagsampa sa armadong kalihukan sa komunistang teroristang grupo.

Si ka Sara ug Ka Toti nga taga Kitawtaw, Bukidnon gibiyaan ang ilang upat ka mga gagmay nga anak ug gibilin sa ilang apohan tungod kay nadala sa pasalig sa komunistang gurpo nga pinaagi sa rebolusyon mausab ang panggobyerno nga muhatag ug alibyo sa ilang panimuyo.


Apan sa dihang nagsugod na sila isip regular nga membro sa rebelding teroristang komunista sulod sa pila ka tuig wala gyud makab ot ang ilang gipakigbisugan hinuon nalayo sila sa ilang mga anak nga angay nilang alimahan.

Nagpasalamat ang magtiayon kay nadakpan sila atol sa enkwentro tungod kay nasamdan ug gitabang sila sa mga kasundaluhan ubos sa 27th Infantry batallion Phil Army ug karon hinay hinay nang naka recover sa ilang mga samad nga naangkon sa kalawasan.

Gipaklaro sa magtiayong rebelde nga nasayop sila sa gipatuo sa kalihukan nga ug madakpan sila sa mga otoridad siguradong tiwasan o di ba kaha bilanguon sa tibuok kinabuhi tungod kay sukwahi ang ilang nasinatian sa kamot sa mga kasundaluhan.

Nagkanayon ang duruha nga maayo ang pag atiman kanila sa mga sundalo ug wala sila pasakiti sukad niadtong nadakpan sila atol sa enkwentro.




Nisamot ang pagpasalamat ni ka Toti ug Sara tungod kay gikuha sa mga sundalo ang ilang mga anak sa Bukidnon ug karong adlawa nagkita kita na sila isip usa ka pamilya.

Gipasalig ni Gen. Nilasco Mempin, Brigade Commander sa 103rd Brigade nga hatagan ug bag ong kinabuhi ang duha ka mga kanhi rebelde aron magpuyo na kining malinawon uban ang ilang upat ka mga anak.

RadyoMaN Erin Lumosbog

Facebook Comments