Hulog sa kamot sang kapulisan ang mag tiyo nga tricycle driver sa ginpatigayon nga drug buy operation alas kwatro kahapon sa Purok Poticar, Barangay GPS, Syudad sang Koronadal sa ginhugpong nga pwersa sang Koronadal City PNP Drug Enforcement Unit kag CADAC.
Gindakop suno pa ang mga suspek nga ginkilala kanday Elmer Zabate Atinen alyas toto/elmer, 45anyos, tricycle driver kag Mark Anthony Atinen alyas Macmac, 18anyos, tricycle driver pareho residente sang nasambit nga lugar matapos mabaligyaan sang isa pakete sang ginasuspetsahan shabu ang civilian informant sang kapulisan.
Samtang narekober pa sa possession sang suspek ang isa ka pakete sang ginasuspetsahan shabu bilang poseur item kag isa ka pakete sang ginasuspetsahan shabu sa iya possession kag control, P500 nga marked money, kag cash nga P4,200
Ginabulubanta naman sa 0.0532 grams ang nakumpiskar nga item nga may kantidad sa P611.8
Kaso nga pagbayolar sa section 5, 11 kag 12 ang igasang-at batok sa suspek.
Suno kay Dr. Glorio Sandig, CADAC Action Officer sang Office of the City Mayor sang Koronadal wala sa ila drug watch list ang mga suspek apang anay ini drug surenderer sa nasambit nga Barangay kag pipila na suno pa ka beses nga ginpatigayunan sang operasyon pero subong lang natiyempuhan.
