Patay ang usa ka magtutudlo sa Buaya Elementary School sa dakbayan sa Lapulapu human gipusil kagabii , Hulyo 6.
Ang public school teacher nga si Alfredo Abapo Amit padung nang mosud sa gate sa giabangan nga boarding house sa Barangay Mactan dihang gipusil kini sa riding in tandem pasado alas 7:00 kagabii .
Si Amit nasamdan sa iyang liog ug dughan ug gidali sa pagda sa ospital, apan nakabsan gyud kini sa kinabuhi .
Taga Barangay Talima sa isla sa Olango si Amit apan nagtudlo kini sa Buaya Elementary School.
Nagpadayon ang imbistigasyon sa kapolisan sa motibo sa krimen .
Facebook Comments
