Magtutudlo gisulayan ug lugos sa 24 anyos nga lalaki.

Tungod sa lawasnong kauhaw sa usa ka 24 anyos nga lalaki bugnaw nga rehas ang iyang nasudlan human nga naaresto sa mga tanod ug gilayong gihatod sa buhatan sa kapulisan didto sa lungsod sa Sergio OsmeƱa, ning probinsya.

Kahinumduman usa ka magtutudlo nga si alyas Marie nagpangidaron ug 30 anyos, linawas nga mitaho sa kapulisan sa Sergio OsmeƱa bandang 7:00PM niadtong adlawng domingo para ipatala ang nahitabo nga pag molestiya ug pagpang harassed kaniya ni Rolly Amoca y Patihan residente sa Purok 1 Brgy. Pedagan sakop sa maong lungsod.

Sa gihimong makuti nga imbistigasyon sa kapulisan mga 2:00PM kapin kun kulang sa susamang adlaw kini si Rolly nanuktok sa pultahan sa kusina sa biktima ug sa dihang gi ablihan ni Marie dako ang iyang katingala kay sa walay pagduha-duha gigakos siya ug hugot dayong hikap sa pribadong parte sa iyang lawas.


Pugsanon usab nga gihubo ni Rolly ang short sa biktima ug gituklod sulod sa kwarto, maayo nalang kay naka iskapo ug nakahigayon sa pagisipa ang biktima gilayong nisinggit kini para makapangayo ug tabang.

Dali-dali nga misibat ang person of interest apan pagka taod-taod mibalik na pud sa panimalay ni marie nga nagdala na ug mahait nga hinagiban ug gi bato ang balay sa biktima.

Dako usab ang pasalamat sa biktima kay malampuson nga naaresto ug karon anaa na sulod sa prisohan hayan mag atubang sa kasong paglapas sa Art. 266 sa revised penal code ang dinakpan.

Facebook Comments