Davao City – Gikalipay sa maestra nga si Mharla Barro ang gipanaad ni Vice President ug Department of Education (DepEd) Secretary Sara Duterte nga tagaan og higayon ang mga magtutudo nga magpahulay sulod sa 30 kaadlaw nga wala’y volunteer work alang sa school year 2023-2024.
Panghinaut niya nga sulod anang mga adlawa, dili na sila padal-an pa og mga trabaho sa ilang mga panimalay kay kana panahon kauban ang iyang pamilya.
“Okay kaayo kay for rest sad, after exhausting na school year pero murag labo mana malikayan guro ng gagmay nga buluhaton sa skwelahan nga kinahanglan jud nimo mu-report didto kay lagi responsibilidad nimo, mangandam ka sunod klase,” komento ni Barro.
Sumala sa DepEd nga andam sila mupagula og memorandum ngadto sa mga school heads ug regional directors kung ugaling aduna’y musumbog nga magtutudlo nga sila ginahatagan og trabaho sulod sa 30 days break.
RadyoMaN Ivy Parido
Facebook Comments
