Hugot nga gihimakak sa magtutudo nga biktima sa pagpamusil nga Zhydee CabaƱelez nga nalambigit siya sa Alliance of Concerned Teachers (ACT) party-list nga maoy hinungdan nga nga gipusil siya sulod sa iyang lawak saringan niadtong Martes, Oktubre 15 ning tuiga.
Matud ni Zhydee nga na-imbitahan siya sa ACT Teachers kausa ka higayon aron sa pagtambong sa usa ka forum sa Valencia City niadtong tuig 2016 apan wala sila gipahibalo nga ang ilang pagtambong magpahimo diay kini nilang miyembro sa ACT.
Kahinumduman nga nahitabo ang pagpamusil niadtong Martes sa buntag sa Dalit Elementary School, Lumbayao, Valencia City.
Nasayran nga gisuspende ni Schools division superintendent sa Valencia Dr. Victoria Gazo ang second periodical test kaniadtong October 17 ug 18 sa maong tulunghaan samtang gipahigayon ang stress debriefing sa mga estudyante, ginikanan ug magtutudlo human sa maong insidente.
Matud ni Gazo nga ang Department of Education (DepEd) Northern Mindanao nihatag ug P37,000 cash assistance, samtang DepEd central office naggahin ug P100,000 financial aid. Samtang nipasalig usab ang local government sa Valencia nga muhatag ug salapi alang sa surgical bill sa hospital.
Una nang gihimakak atol sa interview sa RMN Malaybalay sa Amahan ni Zhydee nga si Zaldy nga nahimo siyang miyembro sa New Peoples Army kon NPA sukwahi sa pasangil nga gibato batok kaniya.
