Davao City- Prisohan ang napadulngan sa usa ka magtutudlo human kini nagbinuang nga dunay sud nga bomba ang gamit nga iyang gidala sud usa ka kan-anan sa may San Pedro ning siyudad sa Dabaw.
Giila ang suspetsadong magtutudlo nga mao si Marilou Abunda, 25 anyos, dalaga, orihinal nga nagpuyo sa Tarragona, Davao Oriental ug kasamtangang nagpuyo sa Distrito sa Buhangin ning dakbayan.
Subay sa report sa Presinto Dos nga mupasulod na unta sa usa ka food chain ang maestro dihang girikisa sa sekyu ang iyang dalang gamit apan kalit lang miingon si Abunda nga dunay bomba sa iyang gamit.
Gumikan niini ang mga customers sud sa restaurant nga nakabati sa giingon ni Abunda gibati og kabalaka ug kahadlok niadtong tungora.
Dali nakapangayo og tabang sa San Pedro Pnp ang tagdumala sa kan-anan ug gilayon gibalhog sa selda ang suspetsado diin pursige musang-at og kaso ang kapulisan nga may kalapasan subay sa Presidential Decree #1727 ku mas nailhan nga anti-bomb joke law.
Gidasig sa kapulisan ang katawhan nga kung mahimo likayan ang pagsulti og bomb joke aron dili maprIso ug magkakaso kay hugot kini ginadali sa atong balaud ug sa mga otoridad.
RadyoMaN Joel Viray
