Sa interview sa DXDC RMN Davao kang PSMS Barry Castillo, ang Traffic Investigator sa Nabunturan Municipal Police Station (MPS), iyang giila ang biktima nga mao si Roque Era Pescadero, usa ka magtutudlo ug ang angkas niini nga si Lester James Pescadero nga mga taga King King, Pantukan sa maong probinsya.
Sa imbestigasyon, posibleng wala nasweto ang driver sa motor sa intersection sa maong dalan hinungdan nga wala kini mipahinay og padagan ug nabangga ngadto sa naghaguros usab nga van.
“Aplikante na siya [biktima], dugay na siya nag-apply sa DepEd. It happened nga katong adlawa to, gitawagan siya siguro for interview accordingly sa iyang pamilya. Among pagka-kuan [imbestiga] ani, dili familiar sa driver sa motorsiklo sa crossing. Wala siya ni-minor, diretso lang siya hinungdan nga nag-clash sila sa van sa intersection,” sulti sa imbestigador.
Nadala pa si Roque sa balay tambalanan apan gideklara na kining dead on arrival. Samtang ang angkas, anaa na karon sa luwas nga kahimtang.
Dugang ni Castillo nga hugot ang ilang pagpatuman sa road safety awareness sa kapulisan human misaka na sab ang road crash incidents sa Nabunturan.
RadyoMaN Ivy Parido
