Gi-inquest na ang duha ka suspect kinsa nasikop sa mga sakop sa National Bureau of Investigation o NBI gumikan sa kasong Estafa tru Falsification of documentation.
Nasikop ang maong mga suspect pinaagi sa gihimong entrapment operation sa mga sakop sa NBI.
Giila ang mga suspect nga sila si Shiela Ungab, grade 3 teacher o magtutudlo sa Iligan City Central School kinsa miprenda sa peke nga titulo sa house and lot nga nahimutang sa Paitan, Barangay Dalipuga sa kantidad nga 200,000 pesos.
Ang iyang kaubang suspect nailang si Omisa Jay Pasandalan nga taga barangay cabacsanan ug miprenda sa peke nga yuta nga nagkantidad ug 130,000 pesos.
Parehong giprenda sa maong mga suspect ang mga peke nga titulo sa managlahi nga higayon ngadto sa usa lamang ka biktima nga si EMMA CABORNAY AVE, usa ka negosyante nga lumulupyo sa Purok sudlunon, Brgy San Miguel ug manghod sa bag-o lamang mipanaw nga si Atty. Alex Cabornay, Head Agent sa NBI Regional Office 10.
Sumala sa biktima nga ang iyang nadiskubrihan nga mga peke diay ang gipangprenda nga mga titulo sa yuta dihang iyang gipahimuan og annotation sa Registry of Deeds.
Matud ni NBI Iligan Chief Atty. Abdul Jamal Dimaporo nga kun wala na-abtan sa oras ang nasangpit nga mga suspect sa pag-inquest ngadto kanila kagahapong adlawa posibleng nakaduso sila ug bail bond.
