Davao City – Gidala na dinhi sa dakbayan sa Davao ang patayng-lawas sa usa ka magtutudlo kinsa giingong nadalin-as-patay sa giadtuan niining resort sa Siargao, Surigao del Norte niadtong miaging semana.
Sa report sa Butuan RMN, giila sa kapulisan ang usa ka private school teacher nga si Melanie Dumangcas, 44 anyos, taga Agdao ning syudad.
Dugang niini, nahinabi sa DXDC RMN Davao ang bana ni Melanie nga si Jun Dumangcas kinsa grabeng kaguol ang nabati karon human nga mitaliwan na sa laing kalibutan ang iyang asawa tungod sa insidente.
“Mapinanggaon siya sa akoa ug labaw na sa among anak ingon pud sa akoa kung mahal ko sa akoang asawa mas mahal nako siya. Mao ng kaguol akong gibati ron, basta naa pako sa medyo… siguro sakong huna-huna, wala pa maplastar og unsaon na ni”, saysay sa bana sa biktima.
Kasamtangang nakahaya ang patayng lawas sa magtutudlo sa may Panacan ug gikatakdang ilubong karong adlawng Lunes, Hunyo 11.
Kahinumduman nga giingong nadalin-as samtang mikanaog sa hagdan ang biktima ug gidala pa sa balay tambalanan apan gideklara na kining dead on arrival.
RadyoMaN Renz Barbarona
