Magtutudlong nakighilawas sa iyahang estudyante sa parking lot- dakpan

108

TEXAS USA-Usa ka World history teacher ang gisikp human nga nakipaghilawas sa iyang lalaki nga estudyante.

Gi-ila ang suspek nga si Michelle Schiffer, 23anyos, ug nagpuyo sa Houston USA, ug asa nasakpang nakipaghilawas kini sa usa sa iyang mga estudyante niadtong Hulyo human nga nagkita ang duruha sa Chick-fil-A restaurant sumala sa korte. Adunay wa mailhing estuduyante nga misulti kang Cheryl Henry principal sa Cypress-Springs High School ug asa gatudlo si Schiffer.


Gi-angkon sa suspek ang panagkita niya sa estudyante sa usa ka restaurant bag-o sila niadto sa apartment sa higala niini aron makighilawas.

Mi-angkon usab si Schiffer nga mihithit usa sila ug marijuana sa iyang sakyanan ayha gibuhat ang maong butang. Nasayran nga ang maong estudyante nag-edad pa lamang ug 15 anyos sa panahon sa maong insidente. Sumala sa kaso ni Schiffer, gimultahan kini ug $30,000 nga adunay Philippine Money Equivalent nga 1,507,770.00.

Usa sa mga ginadili sa balaud mao ang pakipagrelasyon sa magtutudlo sa usa ka estudyante o ang ginatawag nga sexual assault sa kabatan-onan ilabi na sa mga nag-edad ug 17 anyos paubos.

Base sa testimonya sa Cypress-Fairbanks Independent School District gidali ug pagawas sa maong eskwelahan si Schiffer ug gihulog sa administrative leave human masayran ang mga alegasyon batok niini.



Dugang pa, padayonon usab ang paprotekta sa mga estudyante ug dili usab i-tolerate ang dili maayong pamatasan sa manunudlo ilabi na ang pakipaghilawas o kon pakipagrelasyon sa usa ka estudyante.

Kahinumduman nga bisag dinhi sa Pilipinas ginadili usab ang panagrelasyon sa usa ka manunudlo ug estudyante tungod sa kini ang mamahimong hinungdan sa pagkawagtang sa respeto sa mga estudyante ngadto sa mga manunudlo.


Kini usab ang maong hinungdan sa ginatawag nga favoritism ug selos ug asa mawala ang pagkapantay-pantay sa mga estudyante sulod sa eskwelahan. Ug daku ang mamahimong epekto niini sa pagtuon sa mga estudyante.

Busa gituohan nga bilang usa ka manunudlo sila ang musilbing ikaduha nga ginikanan sa mga bata sa eskwelahan ug sila usab ang mamahimong modelo nga maoy magdasig sa mga kabatan-onan. ( Jennebel Alvarez, GSA ABCom Intern)

Facebook Comments