Ni: Alma R. Santiago
Alayon sa National Rice Awareness Month 2017, usa ka rice fun run ang malampusong gipahigayon ning dakbayan sa Dipolog didto sa Dipolog Boulevard kaniadtung Nobyembre 18 diin migulang kampyon ang usa ka magtutungha sa Galas Elementary School nga si Crislyn Grace Anticristo.
Ang nasangpit nga kalihukan sumala kini sa Presidential Proclamation no. 124 nga nagdala sa temang “ Ready Set Rice….Riceponsible Filipinos Save Rice, Eat Healthy and try brown Rice”
Gisugdan ang maong kalihukan pinaagi sa usa ka hamubong programa diin mipasalamat ug daku ang mayor sa dakbayan sa Dipolog Mayor Darel Dexter Uy ngadto sa Departamento sa Agrikultura kabahin na sa pagdaginot sa humay.
Kahibaluan nga si Anticristo migula usab nga kampyon sa bag-uhay pa lamang nga Dipolog City Athletic Association Meet ug usa kini sa kwalipikadong atleta nga murepresentar sa Delegado sa Dipolog karung umaabot ZPRAA nga ipahigayun sa Mahayag Zamboanga del Sur.
Si Crislyn Grace Anticristo usa ka Grade VI pupil ilalum sa pagdumala ni Miss Dawn Cantery. Nakadawat ug cash prize ug gift packs si Crislyn Grace Anticristo sa maong kumpetisyon.
