Davao City – Ang pagpagawas sa desisyon sa kaso sa Maguindanao Massacre sa tuig 2019 ni Quezon City Presiding Judge Jocelyn Solis-Reyes maoy usa sa gikonsiderang dakung panghitabo bisan og aduna pay ubang panghitabo.
Sumala ni Roy Geonzon, Kapisanan ng mga Brodkaster sa Pilipinas (KBP) Davao City Chapter President, nakatatak kini sa kasaysayan tungod kay kini panghitabo maoy pinakadaghang media practitioners nga gipatay ug gisundan kini sa tibuok kalibutan hangtod sa pagpakanaug sa hukom.
Tungod niini, matud ni Geonzon, nakahatag kini ug leksyon sa mga tigbalita kung unsaon sa pagpanalipod sa kaugalingon ug sa ilang kagawasan sa himoong mga coverages.
Samtang malaumon usab si Geonzon nga sa tuig 2020, ang mga media practitioners mamahimong mas professional, knowledgeable, mas informed ug andam manalipod sa kaugalingon samtang nagapatuman sa mandato isip mga tigbalita.
RadyoMaN Bernard Pantallon
