Davao City – Wala makadepensa sa kaugalingon ug nabun-og gayod ang usa ka magulang human kulataha sa manghud sulod sa ilang panimalay sa Barangay Indangan, Buhangin, Davao City, alas-6:45 sa gabii.
Una niini, gikalalis sa magulang nga si Joy Pingaron, 42 anyos, ug magtutudlo ang iyang manghod nga si John Rey, 32 anyos, minyo, ug magtutudlo, apan naputong ang suspek maong iyang gikulata si Joy.
Dungan niini mikuha og sundang ang suspek dayon gisulong ug gihampak ang liog sa ilang inahan nga si Norma, 72 anyos.
Nasuta sa imbestigasyon sa Buhangin Police Station nga nasuko matud pa ang suspek sa biktima ug inahan kay gipasagdan ang pagkaon maong gikaon sa iring.
Gitambagan sila sa kapolisan nga sa Barangay sila husayon, apan kung dili magkasinabot maoy basehan aron mopasaka og kaso.
RadyoMaN Joel Viray
