Davao City- Nahimong tadtaran ang lawas sa usa ka magulang human gitigbas sa maka-upat ka higayon sa iyang manghod ala-1:30 sa kadlawon nga nahitabo sa ilang panimay sa Bansalan Davao del Sur.
Natabas-tabas sa samad-tinigbasan ang lawas ni Abner Traya, 32 anyos, ulitawo samtang gidala sa Southern Philippines Medical Center alas-4:15 kaganinang kadlawon.
Matud sa inahan nga nagdala sa biktima sa ospital, nasuko ang manghod niini nga si Oliver Traya sa iyang magulang human kini wala pasakya sa motor ug dayon gibiyaan.
Pag- uli ni Abner, nakig-inom pa ang suspek ug gisukmatan sa manghud ang gibuhat sa magulang nga misangko sa ilang panaglalis. Wala damha sa biktima nga armado og sundang ang iyang manghud hinungdan wala kini nakabantay dihang gitigbas kini. Nakahi-agom si Abner og samad sa ulo, siko, kilid ug sa gusok nga bahin sa biktima. Padayon pang gitambalan sa SPMC ang maong lalaki.
Kasamang Joel Viray
