Pagadian City – Prisohan na ang gipuy-an sa 33-anyos nga mag-uuma nga maoy gitudlong suspek sa pagtigbas sa iyang kaugalingon nga igsoon didto sa Purok Matinabangon, Barangay Lala, ning syudad sa Pagadian.
Nitahan ngadto sa Barangay Kagawad sa maong Barangay ang suspek nga si Elmar Mendiola Malaran human iyang gibyaan nga naglunang sa kaugalingong dugo ang iyang igsoon nga biktimang si Rey Mendiola Malaran, 40-anyos lumulupyo sa maong lugar.
Sa inisyal nga imbestigasyon nasayran nga alas 4:00 sa hapon niadtong sabado nag-inom ang magso-on atol sa fiesta sa Barangay kauban ang duha nila ka higala apan nagkalalis ang suspek ug biktima gumikan wala ma-uyoni nga komedya.
Wala kapug-ngi sa mga kainom ang suspek og lanit kini sa iyang Sanggot ug sa walay langan largong tigbas ngadto sa iyang magulang.
Pipila ka gutlo ang nilabay nitahan ang suspek ngadto kang Brgy Kagawad Rene Cimafranca Leparto busa dali ra kining nearesto kapulisan.
