Bun-og sa nagkadaiyang bahin sa lawas ang naangkon sa usa ka lalaki human matud pa kini gisumbag ug gisipa sa iyang manghod sa walay saktong hinungdan.
Biktima mao si Juberly Gamali, 31 anyos, ulitawo ug taga Zone 11, Upper Carmen ning siyudad.
Saysay sa biktima nga kalit lang siyang gisumbag sa iyang manghod nga si Jeffrey Gamali, 22 anyos, ulitawo ug residente sa samang dapit.
Nasayran nga ubos sa ilimnong makahubog ang suspek dihang nahitabo ang pagpanumbag hinungdang dali nga misumbong ang biktima sa Police Station 4, Carmen.
Insidente nahitabo mga alas dos kaganihang kadlawon sa Zone 11, Upper Carmen samtang kaso karon ang gi-refer na sa barangay Lupon sa Carmen.
Facebook Comments
