ESCALANTE CITY, NEGROS OCCIDENTAL – Isa ka utod ang ginlabo sang iya kaugalingon man lamang nga utod pasado las 12 sini gid lamang nga kaagahon sa Brgy. Mabini, syudad sang Escalante.
Ang biktima ginkilala kay Jerome Sabanal, 28 anyos, residente sang Sitio Gok-ong, Brgy. Mabini, ciudad sang Escalante.
Base sa pagpangusisa, ang biktima kag ang iya utod ang naga-inom inom kag bangud nga hubog na, may nagluntad nga paglinalisay.
Nahibaluan nga madugay na gali nga nagadumtanay ang duha kag kagab-i ini sila ang naglab-utanay gid kag ginlabo sang suspek ang iya manghod nga naigo sa tiyan kag agtang kag padayon karon ginabulong sa Corazon Locsin Montelibano Memorial Regional Hospital./dyHB BACOLOD
Facebook Comments
