Davao City – Gumikan sa kahubog natigbasan sa manghod ang iyang magulang rason nga gidala kini sa balay tambalanan.
Sa blotter sa Talomo PNP, ang biktima mao si Hernan Goc-ong, 31 anyos, construction worker, residente sa Matina Balusong, Davao City ug ang suspek mao si Norlin Rama, 21 anyos, usa usab ka construction worker.
Sa imbestigasyon ala-1:00 sa hapon gibuyag sa biktima ang suspek nga dili pasakitan ang lain pa nilang igsuon nga nanglaba.
Nahitabo ang init nga panaglalis sa biktima ug suspek hangtud nga nabunalan ug binugha sa biktima ang suspek.
Ang suspetsado milakaw kini ug sa pagbalik nagbit-bit na ug sundang dayong tigbas ngadto sa biktima hinungdan sa pagkabaton niini og samad sa ilong ingon man sa baba.
Daling gidala ang biktima sa balay tambalan samtang ang suspek gipangita na sa kapulisan.
RadyoMaN Erin Lumosbog
