Nakita sa mga residente ang naglutaw-lutaw nga lawas sa biktima atubangan sa Muland Resort rason nga ilang kining gihaw-as daplin sa baybayon samtang nagpaabot sa mga otoridad.
Nagtupad lamang ang Muland ug Mergrande Resorts diin ang biktima nalumos kauban ang 13 anyos samtang nangaligo sa dagat bisan labihang dagkoa sa balod niadtong tungura.
Sumala ni Sheryl Amalias, maguwang babaye sa biktima nga iyang mahinumduman nga mi-order pa ang iyang manghod ug pahumot ug wala lang niya damha nga katapusan na diay kadto niyang kumunikasyon sa ilang kinamanghuran sa 9 nilang managsuon.
Matud sa maguwang nga buotan ang iyang manghod rason nga daghan ug higala ingun man matinabangon sa ilang ginikanan.
Gidugang niini nga hayaon usa sa Bago Aplaya ang biktima ug dalhon kini sa Tandag, Surigao aron didto kini ilubong.
Nasayran sa pamilya nga mutabang ang tagdumala sa Mergrande Resort sa galastuhon sa pagpalubong sa biktima.
RadyoMaN Erin Lumosbog
