Inaprubahan na ng Commission on Elections (COMELEC) ang mahigit isang daang party-list organizations na lalahok sa darating na 2022 National Elections.
Ayon kay Comelec Clerk of Commission Atty. Genesis Gatdula, sa 245 na naghain ng aplikasyon o petisyon, 102 sa mga ito ang naaprubahan ng poll body.
100 ay “existing” na partylist organizations, habang dalawa sa naaprubahan ang bagong rehistro.
May isa na lamang party-list case na nakabinbin dahil na-reset ang pagdinig dito.
Sa ngayon, inatasan na ng Comelec ang mga naaprubahang party-list group ay na i-publish ang “manifestation of intent to participate” para sa pambansang eleksyon sa susunod na taon.
Facebook Comments
