Arestado ang isang babaeng tulak umano ng droga sa Pasig City matapos ikasa ang buy-bust operation laban sa kanya.
Nakialala ang suspek na si Camela Franco Carson, 33-anyos, at kasama ito sa drug watchlist.
Nasamsam ng mga pulis mula sa kanya ang 25 grams na hinihinalang shabu at may katumbas na halaga na ₱170,000 at nakuha rin mula sa kanya ang ₱500 na ginamit bilang buy-bust money.
Batay sa ulat ng Pasig Philippine National Police (PNP), ginawa ang sabing operasyon pasado alas-3:30 ng hapon kahapon sa kahabaan ng Caruncho Avenue, Brgy. Palatiw, Lungsod ng Pasig.
Nakakulong na ang suspek sa Pasig City Police Station Custodial Facility at nahaharap ito sa kasong paglabag sa Republic Act 9165 o Comprehensive Dangerous Drugs Act of 2002.
Facebook Comments
