CAUAYAN CITY – MAHIGIT 200 JOB SEEKERS ANG DUMAGSA SA JOB FAIR NA INORGANISA NG PAMAHALAANG LUNGSOD NG ILAGAN KATUWANG ANG ILAGAN LADIES AND WORKERS (ILAW) AT PUBLIC EMPLOYMENT SERVICE OFFICE (PESO) ILAGAN, BILANG BAHAGI NG KANILANG IKA-13 ANIBERSARYO.
KABUUANG 33 EMPLOYERS ANG LUMAHOK SA AKTIBIDAD AT NAG-AALOK NG MAHIGIT 700 JOB VACANCIES PARA SA IBA’T IBANG POSISYON AT INDUSTRIYA.
SA KASALUKUYAN, 17 APLIKANTE NA ANG NA-HIRE ON THE SPOT SA NATURANG JOB FAIR.
KASABAY NG JOB FAIR, IDINAOS DIN ANG ONE-STOP SHOP SERVICE CARAVAN NA NAG-AALOK NG IBA’T IBANG SERBISYO MULA SA NATIONAL BUREAU OF INVESTIGATION (NBI), PHILIPPINE STATISTICS AUTHORITY (PSA), AT PHILHEALTH.
LAYUNIN NITONG MAPADALI PARA SA MGA MAMAMAYAN ANG PAGPROSESO NG MAHAHALAGANG DOKUMENTO AT BENEPISYO.
ANG NASABING AKTIBIDAD AY ISA LAMANG SA MGA TAMPOK NA PROGRAMA NG LUNGSOD NGAYONG ANIBERSARYO, NA LAYONG MAGHATID NG MAS MARAMING OPORTUNIDAD SA TRABAHO AT SERBISYONG PANLIPUNAN PARA SA MGA ILAGUEÑO.
