Kinumpirma ng Department of Justice (DOJ) na inaprubahan na ang Immigration Lookout Bulletin Order (ILBO) laban sa ilang senador, kongresista, local officials at mga district engineer.
Ito ay matapos hilingin ng Independent Commission for Infrastructure (ICI) na ilagay sa ILBO sina Senators Chiz Escudero, Sen. Jinggoy Estrada, dating Senador Bong Revilla, Leyte Representative Ferdinand Martin Romualdez, COA Commissioner Mario Lipana, Makati Mayor Nancy Binay at ilan pang kongresista na dawit sa flood control issue.
Ayon kay DOJ Spokesperson Assistant Secretary Mico Clavano, pinirmahan ito ngayong araw ni Justice Secretary Jesus Crispin Remulla.
Sa ngayon, nasa database na ng Bureau of Immigration (BI) ang pangalan ng mahigit 30 indibidwal.
Dahil nasa ILBO, imo-monitor ang kanilang pagbiyahe partikular ang paglabas ng bansa.
