Mahigit 600,000 residente sa palibot ng Bulkang Kanlaon, nanganganib sa banta ng lahar oras na magkaroon ng sama ng panahon

Aabot sa 644,487 na mga indibidwal sa 13 munisipalidad at siyudad sa Negros Occidental ang nanganganib sa banta ng lahar.

Sa gitna na rin ito ng patuloy na pag-aalburuto ng Bulkang Kanlaon at posibleng pamumuo ng Low Pressure Area.

Ayon sa Office of Civil Defense o OCD-Western Visayas, makikita sa kanilang mapa ang lahar hazard flow areas na potensyal na maapektuhan sakaling makaranas nang malakas na pag-ulan.

Dahil dito, patuloy na pinag-iingat ng OCD-Western Visayas ang mga residente sa palibot ng bulkan at pinapayuhang lumikas upang maiwasan ang casualties.