Nasabat ng mga pulis sa bayan ng Asingan ang mahigit 80 piraso ng boga at modified muffler na karaniwang ginagamit ng mga residente bilang pampaingay.
Mahigpit na ipinagbabawal ang paggamit ng mga improvised firecracker na ito dahil sa panganib na dulot nito, lalo na sa mga kabataan.
Ang mga nakumpiskang boga at modified muffler ay resulta ng serye ng operasyon ng Asingan PNP mula Disyembre 23 hanggang 30, 2024. Agad na isinailalim sa tamang disposisyon ang mga nasamsam na kagamitan.
Patuloy na nananawagan ang mga awtoridad sa publiko na itigil ang paggawa at paggamit ng ganitong uri ng pampaingay na maaaring magdulot ng aksidente, habang ipinagdiriwang ang pagpasok ng Bagong Taon. |𝙞𝙛𝙢𝙣𝙚𝙬𝙨
Facebook Comments
