CAUAYAN CITY – PATULOY NA MINO-MONITOR NG DEPARTMENT OF SOCIAL WELFARE AND DEVELOPMENT FIELD OFFICE 2 (DSWD FO2) ANG KALAGAYAN NG MGA RESIDENTENG NAAPEKTUHAN NG BAGYONG CRISING SA REHIYON 2.
AYON SA PINAKAHULING DATOS NG AHENSYA NA INILABAS KAHAPON, JULY 20, 2025, UMABOT NA SA 1,918 PAMILYA O KATUMBAS NG 6,083 INDIBIDWAL ANG APEKTADO SA DALAWANG LALAWIGAN.
PINAKAMALAKING BILANG NG NAAPEKTUHAN AY MULA SA LALAWIGAN NG CAGAYAN, KUNG SAAN NAITALA ANG 1,897 PAMILYA O 6,033 INDIBIDWAL NA NAAPEKTUHAN NG MASAMANG PANAHON.
SAMANTALA, SA NUEVA VIZCAYA AY NASA 21 PAMILYA O 50 KATAO ANG NAIULAT NA APEKTADO NG BAGYO.
NASA KABUUANG HALAGA NA PHP390,483.78 ANG NAIPAMAHAGING FOOD AT NON-FOOD ITEMS (FNFIS) SA MGA NAAPEKTUHAN UPANG MATUGUNAN ANG KANILANG AGARANG PANGANGAILANGAN.
TINIYAK NG AHENSYA NA PATULOY ANG KANILANG KOORDINASYON SA MGA LOKAL NA PAMAHALAAN PARA SA MABILISANG PAGTUGON SA MGA PANGANGAILANGAN NG MGA NASALANTA.
KASALUKUYAN DING ISINASAGAWA ANG VALIDATION AT ASSESSMENT UPANG MATUKOY ANG IBA PANG NANGANGAILANGAN NG AYUDA AT MATIYAK ANG MAAYOS NA DALOY NG TULONG SA MGA KOMUNIDAD.
