Nasa mahigit kalahating milyong pisong halaga ng shabu ang nakumpiska ng mga otoridad sa isinagawang entrapment operation sa isang apartment sa Quezon City.
Naaresto sa operasyon ang mag-amang suspek na sina Jorge Simbulan, 52-anyos at Jorge Michael Simbulan, 30-anyos.
Ayon sa mga otoridad, nasa 81.30 grams ng shabu ang kanilang nakuha na nagkakahalaga ng P552,840.
Samantala, isang timbangan, marked money na P1000 at P500; dalawang disposable lighters at dalawang cellphone pa ang nakita ng mga otoridad.
Sa ngayon ay dinala na ang mga suspek sa police station para sa kasong kanilang haharapin.
Facebook Comments
