CAUAYAN CITY – NAGBIGAY BABALA SI CAUAYAN CITY MAYOR CAESAR “JAYCEE” DY JR. SA MGA SASAKYAN AT MGA MOTOR NA MAYROONG MAIINGAY NA TAMBUTSO.
ISA NGAYON SA TUTUTUKAN NG LOCAL GOVERNMENT UNIT OF CAUAYAN KATUWANG ANG CAUAYAN CITY POLICE STATION, PUBLIC ORDER AND SAFETY DIVISION, AT IBA PANG CONCERNED AGENCIES ANG LOCAL NOISE ORDINANCE SA LUNGSOD.
UPANG SUPORTAHAN ANG KAMPANYA LABAN SA MAIINGAY NA TAMBUTSO, NAMAHAGI NG DECIBEL METER ANG LGU CAUAYAN NA GAGAMITIN NG KAPULISAN AT MGA POSD PERSONNELS SA PAGHULI SA MGA MOTORISTANG LALABAG.
AYON KAY CAUAYAN CITY MAYOR JAYCEE DY, MARAMI NA SILANG NATATANGGAP NA REKLAMO HINGGIL SA MGA MAIINGAY NA TAMBUTSO NA NAGDUDULOT NG ABALA SA MGA RESIDENTE LALO NA SA ORAS NG GABI AT MADALING ARAW.
BINALAAN NG ALKALDE ANG MGA MOTORISTA NA GUMAGAMIT NG OPEN PIPE O ANG MAIINGAY NA TAMBUTSO NA MAGING RESPONSABLE SA PAGGAMIT NITO, AT HUWAG HAYAANG MAKAABALA SA IBANG TAO.
SINABI RIN NG ALKALDE NA TINATAPOS NA LAMANG NILA ANG ORDINANSA KAUGNAY SA MAIINGAY NA TAMBUTSO, AT ORAS NA MATAPOS ITO, TIYAK NA MANANAGOT ANG SINUMANG LALABAG DITO.
SAMANTALA, NAGANAP NAMAN ANG TURN-OVER CEREMONY NG MGA DECIBEL METERS SA CAUAYAN CITY POLICE STATION KUNG SAAN PERSONAL NA DUMALO ANG MGA OPISYAL NG LGU CAUAYAN, POSD CAUAYAN, PROVINCIAL HPG, AT LTO-CAUAYAN DISTRICT OFFICE.
