Davao City – Patay nang napalgan ang usa ka maintenance crew sulod sa kwarto sa iyang pinuy-anan sa San Antonio Village, Bajada, Brgy.19-B, syudad sa Davao.
Sa report sa San Pedro PNP, naila ang biktima Magdaleno Britos Jr., 57 anyos, nagpuyo sa nahisgutang lugar.
Sa imbestigasyon ni PSSgt.Felipe Tiu Jr., imbestigador sa Presinto Dos, sumala sa anak sa biktima nga si Patrick Britos, niuli ang iyang amahan sa ilang balay pasado ala 1:00 sa kaadlawon niadtong Marso 2 (Lunes) ug nag-inum apan wa na kini nigawas sa dihang gisusi ug gipukaw wa na naglihok ug nitubag, daling nagpatabang sa kapulisan ug nasuta nga wa nay kinabuhi ang biktima.
Sumala pa ni Tiu, ang biktima dunay gihambing balatian nga hypertention ug walay foul play sa kamatayon niini.
RadyoMan Don Pulayao
