*i Balita*
*June 01, 2018*
*(Photo From Web. No Copyright Infringement Intended)*
Ginpatuman na ni PNP Chief Director General Oscar Albayalde ang malapnagon nga pagbalasa sang pila ka mga opisyal sang Philippine National Police.
Magapangalagad bilang bag-o nga Regional Director sang Police Regional Office 6 si PNP Spokesperson Police Chief Superintendent John Bulalacao kag magabulos sa iya pwesto si Police Senior Superintendent Benigno Bugay Durana.
Samtang si PRO-6 Director Police Chief Superintendent Cesar Hawthorne Binag ang ginsaylo bilang director sang Directorate for Integrated Communications Management sa Camp Crame.
Ginsaylo naman sa Civil Security Group ukon CSG si NCRPO Regional Director Camilo Cascolan .
Samtang si Regional Director Guillermo Eleazar nga halin sa Police Regional Calabarzon ang ginhimo nga director sang National Capital Region Police Office (NCRPO).
Si Police Chief Superintendent Edward Esperat Carranza nga halin sa PRO Cordillera ang ginsaylo sa PRO Calabarzon tal-os kay General Eleazar.
Samtang si Chief Superintendent Rolando Nana nga naghalin sa NCRPO ang gin-assign sa PRO Cordillera.
Si Chief Superintendent Rolando Anduyan nga yara sa PRO ARMM ang gin-assign sa NCRPO.
Gin-assign naman si Police Director Federico Larosa Dulay Jr., sa Office of the Chief PNP.
Epektibo subong nga adlaw, June 1, 2018 ang malapnagon nga pagbalasa sa mga opisyal sang PNP.
